Aktualitet

Tiranë/ Spanjolle, kolumbiane, ruse, goditet rrjeti i prostitucionit, në pranga 7 vajza



Bëhu pjesë e Grupit Zyrtar të Opinion.al
>> KËTU <<
               Publikuar në : 12:21 - 30/09/22 |
Opi Nion

Një rrjet prostitucioni, me organizatore një shtetase kolumbiane, është goditur nga policia e Tiranës.

Në një njoftim për mediat uniformat blu bëjnë me dije se në kuadër të operacionit policor të koduar “Contact” është arrestuar një 30-vjeçare kolumbiane me iniciale B.R. e cila ishte organizatore e rrjetit të prostitucionit në Tiranë.

Po ashtu janë vënë në pranga 6 vajza të huaja që kishin ardhur në Shqipëri për të ushtruar prostitucion.

Bëhet fjalë për L. P., 28 vjeçe, L. B., 23 vjeçe, Y. S., 28 vjeçe, D. B., 31 vjeçe, M. G., 21 vjeçe dhe L. B., 22 vjeçe, nga Spanja, Kolumbia, Venezuela dhe Rusia, për veprën penale “Prostitucioni”.

Sipas Policisë, kolumiania 30-vjeçare B. R. shfrytëzonte për prostitucion femrat e tjera të arrestuara, të cilat kishin ardhur nga vende të ndryshme, në Shqipëri, ishin akomoduar në banesa me qira në zona të ndryshme të Tiranës dhe nëpërmjet një faqeje në internet, krijonin kontakte me njerëz të ndryshëm për të ushtruar prostitucionin kundrejt pagesave.

Në vijim të veprimeve u proceduan penalisht 4 persona, të cilët kishin i dhënë me qira, pa deklaruar në organet tatimore, banesat e tyre, vajzave të arrestuara.

Në cilësinë e provës materiale u sekuestruan pasaportat e 7 të arrestuarave.

Vijon puna për identifikimin e personave të tjerë të përfshirë në këtë veprimtari kriminale.

Materialet i kaluan Prokurorisë, për veprime të mëtejshme procedurale.

 

Pas