Ditën e djeshme, një vajzë 10-vjeçare u pickua nga gjarpëri në ambientet e një shkolle private në Tiranë.
Pas ngjarjes ajo u dërgua me urgjencë në spital, ndërsa policia ka nisur një procedim penal për një 40-vjeçar, administrator i një firme që merret me dezinfektimin e ambienteve të kësaj shkolle.
Ky shtetas, sipas kontratës së nënshkruar me një shkollë private në Lundër, dyshohet se nuk ka marrë masa për dezinfektimin e shkollës, dhe si pasojë një nxënëse, është pickuar nga një gjarpër.
“U referuan materialet në Prokurorinë pranë Gjykatës së Shkallës së Parë të Juridiksionit të përgjithshëm Tiranë, dhe nisi procedimi penal në gjendje të lirë për shtetasin E. H., 40 vjeç, banues në Tiranë, administrator i një firme që merret me dezinfektimin e ambienteve. Ky shtetas, sipas kontratës së nënshkruar me një shkollë private në Lundër, dyshohet se nuk ka marrë masa për dezinfektimin e shkollës, dhe si pasojë një nxënëse, është pickuar nga një gjarpër”,-thuhet në njoftim.
