Aktualitet

Tiranë-Durrës me pagesë, PD: Po i grabit shqiptarët!


               Publikuar në : 12:04 - 16/05/19 |
geliano fataj

Brenda vjeshtës së këtij viti, Ministria e Infrastrukturës dhe Energjisë planifikon nënshkrimin e kontratës koncesionare për autostradën Tiranë-Durrës, ku ndër të tjera synohet që kalimi për automjetet të bëhet me pagesë.

Ministrja Belinda Balluku ka thënë në një intervistë për mediat se projekti për këtë aks iu është dorëzuar investitorëve, ndërsa pritet shprehja e interesit nga ana e tyre. Sipas saj të gjithë projektet e rrugëve që synohen të jenë me pagesë, do të kenë edhe alternativën e tyre, që mund të aksesohet falas.

Për këtë zhvillim ka reaguar dhe Partia Demokratike. Ish deputeti demokrat Oerd Bylykbashi thotë se në vjeshtë “maskat” bllokojnë autostradën Durrës-Tiranë.

“Edi Rama po grabit shqiptaret me ritëm te shfrenuar. Paraardhësit e tij ne 1945 i grabiten pronat e shqiptareve me gryken e pushkës. Ky po i grabit me Kod Civil dhe kontrata koncesioni që të mos guxosh t’ua marrësh, përndryshe te padisin ne gjykatat që po mbushin me militantet e tyre pasi kapen reformën ne drejtësi. Dhe gjyqtaret do t’i kthejnë nderin e emërimit, duke ia mbrojtur interesat e fëlliqura”, shkruan ai në një postim në Facebook, ndërsa bën thirrje që kjo është një tjetër arsye për të protestuar në 25 maj. / Opinion.al

Pas