Kronikë

Tiranë/ Arrestohen 9 persona, ja për çfarë akuzohen


Bëhu pjesë e Grupit Zyrtar të Opinion.al
>> KËTU <<
               Publikuar në : 13:35 - 23/10/20 |
Opi Nion

Policia e Tiranës ka arrestuar nëntë persona për vepra të ndryshme penale. Uniformat blu bëjnë me dije se janë vënë në pranga në ambientet e një hoteli në rrugën “Artan Lenja”, shtetasit I. Gj., 19 vjeç, S. Sh., 36 vjeç, A. Q., 43 vjeçe dhe A. T., 28 vjeçe, pasi gjatë kontrollit policia u ka gjetur doza kokaine dhe kanabisi.

Po ashtu, është arrestuar shtetasi E. H., 36 vjeç, pasi në rrugën “Myslym Shyri”, ka tentuar të vjedhë në një dyqan, duke e kërcënuar me një pistoletë lodër, shtetasin M. K., të cilit i ka kërkuar një shumë lekësh.

Më tej policia njofton se në pranga është vënë edhe një i mitur, pasi në dyqanin e celularëve të shtetasit A. P., ka vjedhur 15 telefona celular.

Po ashtu, u kap E. Z., 34 vjeç, pasi Gjykata e Posaçme të Shkallës së Parë Kundër Korrupsionit dhe Krimit të Organizuar Tiranë i ka caktuar masën e sigurisë “Arrest në burg”, për veprën penale “Ushtrimi i ndikimit të paligjshëm ndaj personave që ushtrojnë funksione publike”.

26-vjeçari I. L., u arrestua pasi ishte shpallur në kërkim për “Vjedhje”, ndërsa Specialistët e Qarkullimit Rrugor bënë arrestimin e B. K., 34 vjeç, pasi në rrugën “Konferenca e Pezës”, u kap duke drejtuar mjetin pa lejen përkatëse dhe në gjendje të dehur.

Materialet i kaluan Prokurorisë së Rrethit Gjyqësor Tiranë, për veprime të mëtejshme./ Opinion.al

Pas