-U tha në Opinion

Thirrja e Metës/ Çfarë pritet të ndodh në 2 mars?


               Publikuar në : 21:31 - 20/02/20 |
Geljano Fataj

Presidenti i Republikës, Ilir Meta ftoi qytetarët që më 2 Mars të dalin në bulevardin “Dëshmorët e Kombit” për t’i dhënë paralajmërimin e fundit, asaj që e konsideron bandë dhe që sipas tij “përdhunon çdo ditë Kushtetutën dhe ligjet e vendit”.

Por çfarë pritet të ndodh në 2 mars? Të ftuarit në emisionin Opinion, këtë të enjte japin versione të ndryshme.

Luan Rama nga LSI: Për të kuptuar se çfarë do të ndodh në 2 mars duhet të marrim gjithë rrjedhën e ngjarjeve që çon në këtë situatë. Çelësi për të zbërthyer gjithçka, është se jemi në një ndeshje pa arbitër. Edhe procesi i emërimeve të Gjykatës Kushtetuese u bllokua nga PS, nuk është e interesuar për këtë Gjykatë. Në momentin që do ngrihet do shprehet edhe për zgjedhjet e 30 qershorit. Në këto kushte, klani kriminal që ka marrë qeverisjen që ka kapur edhe reformën në drejtësi tani po synon të kap edhe Gjykatën Kushtetuese. Në këto kushte presidenti ka zgjedhur rrugën që t’ju drejtohet qytetarëve dhe të mbrojë kushtetutën. Ligjërisht parlamenti duhet të ishte shpërndarë, kushtetuta parashikon kushtet apo kondicionet se kur Presidenti mund ta shpërndajë parlamentin. Ata inatin e Ilir Metës e nxjerrin ndaj institucioneve.

Mentor Kikia, gazetar: Meta mund ta shpërndajë parlamentin, parlamenti mund të mos i bindet dhe shkarkon Metën. Dhe prapë jemi në të njëjtin vend. Nuk kemi Gjykatë Kushtetuese… presidenti jo vetëm që nuk është mbi palët, por ka marrë komandën e njërës palë.

Armand Shkullaku, gazetar: Po shikoj që debati po spostohet se çfarë do bëjë Meta. Ai po reagon, po kundërvepron ndaj një gjëje që ne e shikojmë dhe jemi shtruar pa na bërë përshtypje. Kemi një pushtet që i ka marrë të gjitha dhe do të marrë Presidencën. Sot doli një fakt, që ditë të shtunë administrata punën. Këta nuk punojnë ditët e javës por të shtunën botojnë një dekret në fletoren zyrtare. Po të isha si meta unë ikja. Atij ia kanë rrëmbyer kompetencat, ne Ilir Metën aty e kemi. Meta sot ka një pozicion denoncues, ka dhe një lloj ndikimi tek Komisioni i Venecias sepse nuk vjen nga rruga. Meta nuk e frenon dot regjimin e Edi Ramës. Nuk mund ta shpërndajë parlamentin, ashtu siç është kemi një parlament e di ti… Ata nesër zgjedhin një President tek Ura e Tabakëve dhe Meta nuk ka se çfarë bën. Meta nuk e frenon dot duke qenë aty./ Opinion.al

Pas