Një tërmet 6.3 ballësh goditi të hënën rajonin kufitar mes Turqisë dhe Sirisë, duke shkaktuar panik dhe dëme materiale, dy javë pasi u godit nga një tërmet i tjetër që shkaktoi mbi 40 mijë të vrarë.
Qytetarët shprehen se tërmeti shkatërroi ndërtesat në qendër të qytetit Antakya, ku ishte epiqendra e tij.
Dëshmitarët thanë se ekipet turke të kërkim-shpëtimit tashmë janë dislokuar në rajon për të ndihmuar njerëzit.
Mësohet se nga tërmeti i pasdites së sotme janë rrëzuar disa ndërtesa, ndërsa dyshohet se ka persona nën rrënoja.
Sipas informacioneve, disa të plagosur janë dërguar në spital për të marrë ndihmë mjekësore.
Qendra Sizmologjike Evropiane e Mesdheut tha se epiqendra e tërmetit ishte në një thellësi prej 2 kilometrash.
