Banorët e Mamurrasit të cilëve iu dëmtuan banesat nga tërmeti tragjik i 26 nëntorit, ankohen se ende nuk kanë marrë një datë për fillimin e punimeve për banesat e reja.
Një prej këtyre banorëve është Ali Uka. Ai shprehet gjatë një bashkëbisedimi me kreun e FRPD, Belind Këlliçi se prej 9 muajsh fle në çadër së bashku me familjen e tij.
Uka thotë se nuk ka marrë asnjë bonus financiar për rindërtimin e shtëpisë së tij, ndërsa nuk është në dijeni nëse autoritetet shtetërore do e rinfdërtojnë atë.
Ali Uka ndihma e vetëm për të ka ardhur nga Kryqi i Kuq, i cili i ka ofruar familjes së tij bonus për përballimin e shpenzimeve.
Ali Uka: Unë jam Ali Idriz Uka, nga fshati Fushë-Mamurras i rrethit Kurbin. Kemi ndenjur në çadër mbrapa, ngaqë shtëpia e vjetër gjithnjë e duke u shembur, mora materialet dhe bëra shtyllat dhe mora llamarinat e vjetra, vura tjegullat, çatinë, edhe çuni me nusen atje dhe unë me gruan time këtu. Na ka ndihmuar Kryqi i Kuq. Na ka dhënë tre radhë nga 408 mijë lekë.
Belind Këlliçi: Po qeveria që e ka për detyrë? Qeveria vetë ka dhënë gjë?
Ali Uka: Asnjë lekë s’kam parë nga qeveria! Po mua me më pas dhënë lekë, unë kisha hyrë tek shtëpia ime 5-6 muaj isha në shtëpi të re. Nusen e djalit e kam shtatzënë.
Belind Këlliçi: Në çadër, jeton në çadër më duket?
Ali Uka: Në çadër, dhe sa më shpejt me më dhanë që të bëj shtëpinë, ose te bien e ta bëjnë, të bien materialet, ustallarët e ça do shtëpia. Tashti dimri dhe erdh. Unë s’di sesi do ta pres këtë dimër, me thanë që do ta pres me dur hapt, s’mun e thom. Shtëpia do të ishte bo e jo vetëm mu po komplet si fshat. Po të ishin nda lekët ishte bo shpia. Gjithsekush do e kishte ……shtëpinë e vet.
Belind Këlliçi: Ke të drejtë!
Ali Uka: Kohë e gjatë, nëntë muaj!/ Opinion.al
