Presidenti turk, Rexhep Taip Erdogan, ka reaguar pas tërmetit të fuqishëm 6.6 ballë që goditi mesditën e sotme Turqinë.
Në një postim në rrjetet sociale ai tregon se janë vënë në dispozicion të qytetarëve të prekur nga tërmeti të gjitha mjetet e nevojshme.
“Me të gjitha mjetet e shtetit tonë, ne u qëndrojmë pranë qytetarëve tanë të prekur nga tërmeti. Ne morëm masa për të filluar punën e nevojshme në rajon me të gjitha institucionet dhe ministrat tanë përkatës”, u shpreh Erdogan.
Sipas informacioneve, tërmeti ka shembur 20 godina në qytetin turk të Izmirit, ndërsa vijojnë kërkimet për njerëz të cilët mund të kenë mbetur nën rrënoja. Po ashtu, tërmeti ka shkaktuar dëme dhe në ishujt grek. Deri më tani nuk ka raportime zyratare për viktima./Opinion.al
