Të braktisur nga autoritetet lokale dhe qendrore, banorët e fshatit Floq të Korçës, një nga fshatrat më të goditur nga tërmeti janë përplasur me prefektin Dhori Spirollari.
Ky i fundit këtë të hënë kishte shkuar në çadrat ku qëndrojnë banorët, ndërsa ata i kanë kërkuar që të shpallë gjendjen e emergjencës, pasi shprehen se janë në kushte shumë të vështira.
https://www.facebook.com/opinioni.al/videos/420163028837840/
“Këta sa vjen njëri, ikën tjetri dhe kot, por Zoti…Kemi ftohtë dhe nuk mund të qëndrojmë më në çadra. Ka mungesë të ushqimeve dhe krevateve“, ka thënë një nga banorët. Situata është rënduar edhe më shumë si pasojë e reshje të shiut kanë rënë dhe vijojnë që të bien. Ndërkohë nga raportimet nga terreni kjo video tregon mënyrën se si shumica e kanë kaluar natën nën çadra, ku temperaturat janë ulur ndjeshëm.
Po ashtu për shoë mediatik dhe duke dhënë “mendime në ajër” kanë qenë dhe kandidati i Bindjes Demokratike për bashkinë e Korçës, Leonard Olli së bashku me ministren e Shtetit, Elisa Spiropali.
https://www.facebook.com/540999469606116/videos/454885568606819/
Korça ende nuk po gjen qetësi nga tërmetet. Sot janë regjistruar të paktën tre lëkundje të tjera. IGJEUM ka regjistruar tre goditjet e datës 3, që nisen që pas mesnate, ndërkohë që tjera u shënua në orën 03: 06. Goditja e fundit ka qenë e fortë me magnitudë 3.9./ Opinion.al
