Deri të mërkurën priten reshje intensive në vend. Sipas Institutit të Gjeoshkencave, Energjisë, Ujit dhe Mjedisit qytete i Lezha, Durrësi, Tirana dhe Elbasani rrezikohen nga përmbytjet.
Reshjet do të jenë në formë shtrëngate në të gjithë vendin, ndërsa ekziston mundësia që në zona të kufizuara reshjet të shoqërohen me rrufe dhe breshër, më të mundshme në zonat malore.
Po ashtu temperaturat janë ulur ndjeshëm, ndërsa era do të fryjë e lehtë deri në mesatare.
Por fundjava do të sjellë të tjera surpriza. Vera që ka filluar në Europë këtë fundjavë me temperature të larta në Britaninë e Madhe, Francë, Portugali dhe Spanjë pritet të vijë dhe në vendin tonë.
Sipas meteorologëve temperatura që do të arrijnë 40 gradët celsius do të regjistrohen në Francë, Spanjë dhe Portugali, ndërsa për në Shqipëri fundjava që vjen do të jetë me temperatura mbi 30 gradë. / Opinion.al
