Politikë

Tërmeti/Balla takon banorët e Peqinit: Do të sistemoheni në shtëpi me qira


Bëhu pjesë e Grupit Zyrtar të Opinion.al
>> KËTU <<
               Publikuar në : 13:42 - 08/12/19 |
Opi Nion

Taulant Balla, kryetari i Grupit Parlamentar të Partisë Socialiste, ndodhej ditën e sotme në Peqin, ku është njohur nga afër me situatën e banorëve të prekur nga tërmeti shkatërrues i 26 nëntorit.

Balla vizitoi disa prej familjeve të prekura nga tërmeti i mëngjesit të 26 nëntorit, të cilat janë strehuar përkohësisht në çadra. Nga lëkundjet e forta të tërmetit, në disa fshatra të Bashkisë së Peqinit ka pasur dëme të mëdha.

Në fjalën e tij, Balla tha se familjet, shtëpitë e të cilëve janë bërë të pabanueshme nga tërmeti do të strehohen në çadra e më pas në banesa me qira.

Deri më tani, nga verifikimet e kryera në terren nga ana e specialistëve të Bashkisë dhe Nënprefekturës së Peqinit janë identifikuar 10 banesa me dëme të mëdha, në të cilat banorët nuk mund të jetojnë më.

“Për të gjitha familjet, banesat e të cilëve kanë paraqitur dëmtime në strukturë, çarje të rënda të mureve apo dëmtim të çatisë kemi marrë vendimin për t’i nxjerrë nga banesa menjëherë dhe për secilën familje kemi vendosur një çadër në oborrin e shtëpisë, të pajisura me krevate, dyshekë dhe batanije. Gjithashtu janë marrë të gjitha masat që familjet të furnizohen dhe me ndihma ushqimore. Në fazën e dytë familjet do të sistemohen në shtëpi me qira. Ndërkohë në bashkëpunim me Qeverinë do të programojmë rindërtimin ose rikonstruksionin e shtëpive të dëmtuara”, ka thënë Balla./Opinion.al

Pas