Christina Vasak, ambasadorja e Francës në Shqipëri ka folur për herë të parë pas vendimit të Francës kundër vendit tonë për hapjen e negociatave me Bashkimin Europian.
Ambasadorja franceze u shpreh nga Elbasani se vendimi për vendin tonë do të merret në maj të 2020-s, në samitin e Zagrebit.
Vasak ka theksuar se presidenti i Francës, Emmanuel Macron është shprehur se e mbështet Shqipërinë dhe vendet e tjera në rrugën e integrimit europian.
“Vendimi i Këshillit Evropian nuk i mbyll dyert Shqipërisë. Është vendim solemn, por jo mbyllje e dyerve definitive për Shqipërinë. Është lënë një takim në vazhdim gjatë Samitit të Zagrebit. Ky samit është i rëndësishëm sepse Kroacia merr Presidencën e Këshillit Evropian dhe të gjitha vendet e BE-së do të luajnë një rol të rëndësishëm sepse duhet të ketë një vendim unanim. Në këtë takim të rëndësishmë do të diskutohet për ecurinë e Shqipërisë dhe të ardhmen e saj. Presidenti i Francës është shprehur qartë për mbështetjen që do t’i japë Shqipërisë dhe të gjitha vendeve të tjera pretendete për hapjen e negociatave”-tha Vasak.
Vendimi Francës kundër hapjes së negociatave të Shqipërisë me Bashkimin Europian, u komentua dhe Uashingtoni, i cili paralajmëroi se vendimi francez i hap rrugë depërtimit të Rusisë, Kinës dhe Turqisë në Ballkanin Perëndimor./ Opinion.al
