Një aksident është regjistruar mbrëmjen e sotme në rrugën “Bilbilenjtë”, në lagjen “Mustafa Matohiti” të Tepelenës.
Sipas informacioneve, shtetasi A. B., duke drejtuar automjetin tip “Toyota”, ka përplasur 2 fëmijë, të cilët u transportuan në spital, për të marrë ndihmën mjekësore dhe ndodhen jashtë rrezikut për jetën.
Drejtuesi i automjetit u shoqërua në ambientet e Komisariatit të Policisë Tepelenë për të kryer procedurat e mëtejshme. Në vendngjarje ndodhet grupi hetimor dhe po punon për zbardhjen e shkaqeve të aksidentit./ Opinion.al
