Një 23-vjeçar që tentoi të vidhte një filial banke, në Unazë të Re, është arrestuar nga policia.
Uniformat blu bëjnë me dije se në vijim të punës për goditjen e veprimtarisë kriminale në fushën e vjedhjes së pronës dhe pasurisë, bazuar dhe në informacionet e marra në rrugë operative se një person, në rrugën “Teodor Keko”, në Unazë të Re, po tentonte të vidhte në një filial banke, është organizuar puna për kapjen e autorit të dyshuar dhe vënien e tij përpara përgjegjësisë ligjore.
Si rezultat i punës së mirëorganizuar është kapur në flagrancë nga shërbimet e Policisë, në rrugën “Teodor Keko”, shtetasi në tentativë për të vjedhur në një filial banke.
Në përfundim të veprimeve u bë arrestimi në flagrancë i 23-vjeçarit, banues në Tiranë, për veprat penale “Vjedhja e bankave dhe arkave të kursimit”, mbetur në tentativë, dhe “Shkatërrimi i pronës”.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
