Është kapur në flagrancë duke tentuar të kalonte kufirin me pasaportë të falsifikuar një 37-vjeçar nga Vlora.
Sipas policisë 37-vjeçari me iniciale M.I ka tentuar të kalojë kufirin me një pasaportë biometrike me identitet tjetër, por është kapur nga shërbimet e kufirit në Portin e Vlorës.
Tashmë mbi të rëndojnë akuzat e “Falsifikimit të letërnjoftimeve, i pasaportave ose i vizave” dhe “Kalimi i paligjshëm i kufirit shtetëror shqiptar”.
Njoftimi i policisë:
Tenton të kalojë kufirin me pasaportë të falsifikuar por kapet në flagrancë nga Policia Kufitare. Shërbimet e Policisë Kufitare të Pikës së Kalimit të Portit Vlorë kanë bërë arrestimin në flagrancë të shtetasit M. I (V), 37 vjeç, banues në Vlorë. Arrestimi i tij u bë për arsye se ditën e djeshme M. I(V) është kapur nga shërbimet e kufirit në Portin e Vlorës duke tentuar të kalojë kufirin me një pasaportë biometrike e cila ishte me identitet tjetër. Maretialet iu referuan Prokurorisë në ngarkim të tij për veprat penale “Falsifikimi i letërnjoftimeve, i pasaportave ose i vizave” dhe “Kalimi i paligjshëm i kufirit shtetëror shqiptar”.
