Rreth 15 kg kanabis janë sekuestruar nga Policia kufitare e Kapshticës në një automjet që udhëtonte nga Shqipëria në drejtim të Greqisë.
Nga informacionet paraprake bëhet me dije se është arrestuar drejtuesi i mjetit Sotiraq Çipi, 60 vjeç.
Sakaq, mësohet se droga u gjet e fshehur në dy prej gomave të mjetit, gjatë kontrollit të policisë në vijën e dytë.
Lënda narkotike ishte e ndarë në 16 pako të cilat ishin mbështjellë me letër natriban.
Drejtuesi i mjetit është shoqëruar për veprime të tjera procedurale. Droga kishte destinacion Greqinë.
