Policia e Sarandës ka sekuestruar një sasi prej 5 kg heroinë, dhe ka vënë në pranga edhe poseduesin e saj.
Gjatë një kontrolli në pikën e kalimit kufitar në Qafë Botë, policët e kufirit e cilësuar automjetin si të dyshimtë se mund të transportonte lëndë narkotike dhe menjëherë e kanë kaluar në vijë të dytë për kontroll të imtësishëm dhe të specializuar.
Pas të kontrollit të detajuar në vijën e dytë, në automjetin tip “Volksweagen” janë konstatuar 12 pako me lëndë narkotike e dyshuar si heroinë, me peshë totale 5 kilogramë.
Policia ka arrestuar në flagrancë drejtuesin e mjetit, Q.S., 51 vjeç, banues në Sarandë, për veprat penale “Trafikimi i lëndëve narkotike, e mbetur në tentativë”. /Opinion.al
