Një 27-vjeçar në Tiranë është arrestuar në flagrancë nga policia teksa ka tentuar të grabisë një banesë. Sipas njoftimit të bluve, 27-vjeçari me iniciale E.M është arrestuar teksa po përpiqej të largohej nga banesa e 63 vjeçarit me iniciale H.A, ku tentoi të grabiste.
Në përpjekje për t’u larguar ,27-vjeçari, ka goditur të moshuarin duke i shkaktuar dëmtime të lehta. Mësohet se 27-vjeçari ka qenë i dënuar më parë për veprën penale “Vjedhja me dhunë” në Itali dhe ”Vjedhja, kryer në bashkëpunim, mbetur në tentativë”.
Vijon puna për identifikimin dhe kapjen e bashkëpunëtorëve të tjerë, si dhe dokumentimin e vjedhjeve të tjera të ndodhura në Qarkun e Tiranës, në të cilat mund të jetë i implikuar ky person.
Materialet iu referuan Prokurorisë së Rrethit Gjyqësor Tiranë, për veprën penale “Vjedhja, e mbetur në tentativë” dhe “Plagosje e lehtë me dashje”./Opinion.al/
