Ambasadorja e Shteteve të Bashkuara Juri Kim ka zhvilluar ditën sotme një sërë takimesh prezantuese me disa prej ministrave shqiptarë.
Kim ka realizuar takime Ministrin në Detyrë të Punëve Europiane dhe të Jashtme Gent Cakaj, Ministren e Mbrojtjes Olta Xhaçka dhe Ministren e Drejtësisë Etilda Gjonaj.
Gjatë këtyre takimeve ambasadorja ka shprehur vlerësimin e SHBA-së për kontributet e Shqipërisë si një aleate e NATO-s dhe mbështetjen e saj të rëndësishme në misionet të përbashkëta.
Gjithashtu ambasadorja ka rikonfirmuar angazhimin e SHBA-së në ndihmë teknike për zbatimin e reformës në drejtësi si dhe premtoi mbështetje të vazhdueshme për rrugën e Shqipërisë drejt anëtarësimit në Bashkimin Europian./Opinion.al/
KOMENTO (0)
