Kryetarja e këshillit të Qarkut Shkodër, njëherësh nënkryetarja e PD-së, Greta Bardeli ka debatuar ashpër me përfaqësuesit e maxhorancës në mbledhjen e Këshillit Bashkiak.
Bardeli deklaroi se mbledhja për konstituimin e këshillit bashkiak është antikushtetuese, duke paralajmëruar se organizatorët do të mbajnë përgjegjësi kushtetuese dhe penale.
“Është turp, hipokrizi dhe paligjshmëri e gjithë kjo që ju po bëni. Do mbani përgjegjësi”-tha ajo, ndërsa drejtuesi i mbledhjes i kërkoi Bardelit të lëshojë sallën dhe të dalë përjashta.
“Nuk më nxjerr jashtë mua nga qyteti im. Dakord! Nuk dini se çfarë është demokracia. E keni shypur këtë qytet për 45 vjet”, iu përgjigj Bardeli.
Mbështetësit e opozitës vijojnë protestën jashtë ambienteve të Bibliotekës së Universitetit “Luigj Gurakuqi”, ndërsa nuk kanë munguar as përplasjet fizike mes tyre e Policisë së Shtetit./Opinion.al
