Sport

Tenisti serb humbet gjyqin, pritet të dëbohet nga Australia


Bëhu pjesë e Grupit Zyrtar të Opinion.al
>> KËTU <<
               Publikuar në : 08:58 - 16/01/22 |
Opi Nion

Ylli i tenisit Novak Djokoviç ka humbur gjyqin për të qëndruar në Australi pas anulimit të vizës për shkak se nuk ishte vaksinuar kundër koronavirusit.

Gjyqtarët e refuzuan apelin e tij, ndërsa pas vendimit të dhënë, sportisti serb pritet të dëbohet nga vendi, duke humbur kështu të drejtën për të marrë pjesë në kampionatin e “Australia Open”.

Djokoviç kishte planifikuar të luante ndeshjen e tij të parë të hënën. Gjatë seancës gjyqësore përpara një paneli prej tre gjyqtarësh, mbrojtja e Gjokoviç argumentoi se arsyet e dhëna nga qeveria ishin “të pavlefshme dhe të palogjikshme”, por përpjekjet e tyre rezultuan të pasuksesshme.

Djokoviç po qëndron në një hotel të imigracionit në Melburn, në po të njëjtin vend ku u vendos pasi iu hoq viza për herë të parë pas mbërritjes së tij në 6 janar.

Përpjekja e Djokoviç për të hyrë në Australi i pavaksinuar shkaktoi shumë debate në publik.

Qeveria ka thënë vazhdimisht se askush nuk është mbi rregullat strikte në fuqi për të përballuar pandeminë./Opinion.al

Pas