13 persona mes tyre dhe shtatë fëmijë kanë mbetur të vrarë këtë të hënë në një shkollë në Rusi pas të shtënave me armë zjarri nga një person i armatosur i cili pas aktit të rëndë vrau edhe veten, thanë zyrtarët rusë. Ndërkohë, 21 persona raportohet të kenë mbetur të plagosur.
Mediat e huaja bëjnë me dije se ngjarja ndodhi në Izhevsk, kryeqyteti i rajonit Udmurtia rreth 970 km në lindje të Moskës. Komiteti Hetues i Rusisë tha se mes viktimash ishin dy mësues dhe dy roje sigurie.
Sakaq, ende nuk motivi i këtij krimi, ndërsa raportohet se autori në momentin e ngjarjes ka pasur të veshur një kapuç dhe një bluzë të zezë me simbole naziste.
Po ashtu, ende nuk dihet identiteti i autorit të krimit të rëndë që tronditi Rusinë ditën e sotme.
Në Rusi, vitet e fundit kanë ndodhur disa sulme me armë në shkolla. Në maj 2021, një adoleshent i armatosur vrau shtatë fëmijë dhe dy të rritur në qytetin e Kazanit. Në prill të vitit 2022, një burrë i armatosur vrau dy fëmijë dhe një mësuese në një kopsht fëmijësh në rajonin qendror të Ulyanovsk përpara se të bënte vetëvrasje./Opinion.al
#BREAKING At lesat 6 killed in a shooting at a school in the city of Izhevsk, according to #Russia's state media pic.twitter.com/PXVDK4WFja
— Guy Elster (@guyelster) September 26, 2022
