Kryeministri Edi Rama vijuar replikat me komentues të shumtë në Facebok-un e tij. Një nga komentuesit ka qenë edhe ish-kandidati i LIBRA-as për deputet në Vlorë, Krenar Brahimmuço, i cili ka komentuar: “Të gjithë kështu jeni, ata që ikën, ju që jeni dhe ata që do të vijnë, se po nuk punuat për të huajt dhe po nuk sabotuat Shqipërinë nuk ju çojnë në pushtet, se ju të emëruar jeni, nuk jeni të zgjedhur”.
Edi Rama: Ti Krenar më merr të keqen mua dhe neve që qeverisim sot, sepse gabime mund të bëjmë si çdokush që punon e punon shumë, po kurrë nuk i tradhtojmë interesat e shqiptarëve e të Shqipërisë! More vesh apo jo?! Do ti s’do ti, kjo është e vërteta dhe të rroftë poza si udhëheqës në profil se as mendjen tënde nuk udhëhiqke dot si duhet.
