Kryeministri Edi Rama po zhvillon një takim me gazetarë në bregdetin e Velipojës. Ditën e djeshme ai zhvilloi mbledhjen me ministrat e tij të rinj, e ndërsa mëngjesin e sotëm e nisi me gazetarë. Një nga pyetjet e shtruara ishte pikërisht situata e të mbyturve në plazhe, duke qenë se këtë vit kemi të bëjmë me një bilanc tragjik.
Rama pyetjes i është përgjigjur duke u shprehur se mbytjet nuk kanë ndodhur për shkak të mungesës së rojeve.
“Me sa di shumica e rasteve kanë ndodhur në plazhe të paautorizuara. Dikush shkon larg dhe pëson infarkt, kësaj s’ke çi bën. Nuk ka ndodhur si pasojë e mungesës së rojeve bregdetare. Por është këtë çështje do ta fusim në standardin e vitit të ardhshëm. Kemi një plan të mirë vitin e ardhshëm për ta përmirësuar këtë situatë”- tha Rama.
