Ish-kreu i LSI-së dhe Presidenti i zgjedhur i Republikës, Ilir Meta është shprehur sonte se është takuar me kreun e PD-së Lulzim Basha në periudhën e çadrës.
Këtë deklaratë, Meta e bëri në studion e emisionit Opinion, ndërsa theksoi se Bashës i kam thënë se për çështjen e drogës dhe dekriminalizimit ke të drejtë.
Ai deklaroi se i theksova Bashës se këtë çështje duhet t’a vazhdosh dhe t’a mbështetshës, me arsyen se dekriminalizimi dhe lufta ndaj drogës nuk duhet të ndalet.
Më tej, ish-kreu i LSI-së, tregoi dhe se çfarë i ka thënë kreut të PD-së, Lulzim Basha në takimin e fshehtë në kohën kur opozita po protestonte në çadër para Kryeministrisë.
Meta tregoi se i thashë Bashës se mos prit që LSI të futet në çadër, pasi kjo forcë politike ka pritshmëri më të mëdha dhe mbi të gjitha nuk futet me një grusht njerëzish.
Ndër të tjera, Presidenti i zgjedhur tha se i kam theksuar Bashës të mos presë se LSI të shkojë në parlament dhe të votojë kundër Edi Ramës, sepse kjo forcë politike ka dhe një marrëveshje politike dhe reciproke me Partinë Socialiste dhe është pjesë e qeverisjes.
Gjithpoaq, Meta tregoi se i thashë se mbështes shtyrjen e zgjedhjeve, por vetëm brenda korrikut. Në datë tjetër, sipas tij, ishte e patolerueshme. Ai tha se vetëm në kohe lufte një shtyrje e datës së zgjedhjeve mund të ishte e justifikueshme.
Në pjesën e fundit të kësaj çështjeje, para gazetarit Blendi Fevziu, Meta tregoi se i kam kërkuar Bashës të kërkojë garanci për zgjedhjet, por përveç kësaj, i kam thënë se mund të marrësh edhe Presidentin e Republikës, LSI do të mbështesë.
Deklarata e Ilir Metës:
Basha nuk më ka pyetur mua për çadrën sepse çadrën e konceptoi si serë politike për të rritur autoritetin brenda PD.
Unë jam takuar me Lulzim Bashën në mënyrë jo publike, një prej tyre është z.Vasili. Unë z.Basha i kam thënë këto gjëra, që jam kam thënë Ramës dhe ambasadorit, McAllisterit dhe Fleckensteinit.
I kam thënë: Për çështjen e drogës dhe dekiminalizmit ke të drejtës, ne kemi mbështetur këtë çështje. Për punën e z.Rama mos prit të dalë LSI në çadër sepse ishte një variant, por kjo nuk zgjidh ndonjë gjë, e dyta po doli LSI aty s’ka vend më për ty. Mos prit nga unë që vetëm në Parlament të votoj kundër Ramës, unë kam një marrëveshje, ai është Kryeministër legjitim. Ai ka përgjegjësi për drogën, ja kam thënë dhe Ramës. Por ti ke të drejtë të kërkosh disa garanci por nuk mund ta teprosh. Këto votime elektronike harroji sepse duan ca kohë. Unë e mbështes shtyrjen e zgjedhjeve por brenda korrikut sepse nuk e pranoj këtë ide që Shqipëria të bëjë zgjedhje përtej 9 shtatorit data e fundit ku duhet të mblidhet parlamenti i ri i Shqipërisë me Kushtetutë. I kam thënë do të mbështes për zgjedhjen e Parlamentit.
I kam thënë edhe këtë, o zotëri unë dhe Doris Pack po të mbështesim, ke probleme të mëdha me ndërkombëtarët. Dhe tjetra që nuk ja thashë në takim, e di që është mërzitur më pas, kur i kam dërguar këtë SMS atij dhe Berishës, që tani unë këtë situatë nuk mund ta menaxhoj ndryshe, e vetmja gjë është do t’i bëj kërkesë PPE-së që të sjellë këtu negociatorë.
I kam thënë e kuptoj që je i shqetësuar përballë humbjes së një koalicioni të madh. I kam thënë nëse është kështu, hajde të bëjmë një ndryshim te Kodi dhe LSI të dalë në koalicion me PDIU, PS me të tjera, PD me të tjera që të krijohen balanca.
I bëra të qartë që kërkesa e tij për tërheqjen e z.Rama është e pamundur, e ke personale.
Me z.Berisha kam komunikuar në distancë, u kam bërë të qartë qëndrimet e mia, qëndrimin për PPE-në.
