Kreu i Partisë Demokratike, Lulzim Basha, sonte, në një lidhje live nga “Çadra e Lirisë” për emisionin Opinion, ka bërë më dije se Partia Demokratike nuk po bën negociata me kreun e LSI-së Ilir Meta.
Basha tha se PD nuk ka një plan B, plani është për zgjedhje të lira dhe të ndershme. Sipas tij, qeveria Rama ka pas këto tre vite e gjysmë shansin për të organizuar zgjedhje të lira dhe të ndershme.
Ai deklaroi se Rama ka humbur çdo shans, duke filluar me Korçën, dy muaj pasi erdhi në pushtet, duke vazhduar me zgjedhjet lokale të vitit 2015, duke kulmuar me Dibrën, kjo është vetëm një simptomë e problemit të thellë të Edi Ramës dhe qeverisë së tij.
Kreu i opozitës tha se kjo qeveri është e lidhur kokë e këmbë me krimin dhe bandat.
“Rama humbi shansin e parë, sepse tre herë që i është dhënë mundësia i ka dhunuar standardet e zgjedhjeve. Problemi i dytë dhe më i madhi faktikisht është lidhja kokë e këmbë e kësaj qeverie me krimin. Kaluam ligjin për dekriminalizimin, bëmë një qendresë të jashtëzakonshme, listuam shqiptarët dhe ndërkombëtarët dhe përhkrahjen e shqiptarëve dhe ndërkombëtarëve, kaluam ligjin për dekriminalizimin. Edi Rama nuk e zbatoi. Dhe në rastin kur u detyrua të nënshkruante largimin e Elvis Rroshit, ai vazhdon të jetë kryetar i Bashkisë së Kavajës. Së treti zvarriti deri në asgjesim reformën zgjedhore, një vit përpara i kërkuam reformën zgjedhore, pamë mungesën e vullnetit prandaj ishim ne që i propozuam platformën, përfshirë votimin elektronik, e zvarriti për të asgjesuar reformën zgjedhore. Në këto kushte vendi po hyn në një cikël të dytë të prodhimit të drogës, i cili prodhon qindra miliona euro në duar të krimit të organizuar. Në kushtet e moszbatimit të ligjit të dekriminalizimit dhe kriminelëve në parlament dhe kryetar bashkisë dhe institucioneve të tjera. Kushtet e kapjes së Edi Ramës në flagrancë nga mediat nga qytetarët dhe nga ndërkombëtarët. Ky dhunues dhe shkatërrues i proceseve zgjedhore, e vetmja mundësi e artikuluar tashmë, jo vetëm nga PD-ja dhe jo vetëm nga opozita, por edhe nga gjithë qytetarët është një qeveri që do garantojë zgjedhje të lira dhe të ndershme është një qeveri teknike. Ky është një vendim i marrë në sheshin e popullit dhe jo në zyrat e partive është një vendim që nuk ka klimë që në Shqipëri tani e tutje do të ketë vetëm zgjedhje të lira dhe të ndershme. Partia Demokratike është e vendosur ta luftojë këtë betejë deri në fund. Jo për veten tonë, jo për PD-në, por kauza e zgjedhjeve të lira dhe të ndershme është një kauzë që bashkon çdo shqiptar të djathtë dhe të majtë”.
Blendi Fevziu: Nëse Rama nuk e pranon z.Basha, si do jetë fundi juaj?
Lulzim Basha: Le të shohim nga historia e këtij vendi dhe nga historia e popujve të civilizuar se çfarë ndodh me ata që nuk pranojnë të zbatojnë të drejtën themelore të qytetarëve, të drejtën e votës së lirë. Kush do të tërhiqet populli apo qytetarët apo ai që merr përsipër këtë barrë.
Më tej, kreu i demokratëve është shprehur se Partia Demokratike nuk po realizon negociata me kreun e LSI-së Ilir Meta në lidhje me qeverinë teknike.
Basha theksoi se PD nuk kërkon shpëtim tek askush tjetër, veçse tek qytetarët. Sipas tij, qytetarët janë të bashkuar sepse shpëtimi është zgjedhje të lira dhe të ndershme.
Blendi Fevziu: Keni negociata aktuale me Metën, a jeni duke negociuar me Metën?
Lulzim Basha: Nuk kemi negociata. Por, pa dyshim, çdo faktor politik shqiptar që ndjen përgjegjësi dhe nuk është i zhytur në bunkerin e drogës, në bunkerin e krimit, sot duhet të marr përgjegjësi, nëse është për zgjedhje të lira dhe të ndershme apo është me krimin dhe me drogën.
Blendi Fevziu: Si do ja arrini këtë, duke e ditur se BE, sot, Kocijancic nuk njeh asnjë formë tjetër të bashkëpunimit dhe bashkëbisedimit në parlament dhe ju nuk jeni në Parlament?
Lulzim Basha: Nuk ka mbaruar, këta qytetarë kanë vendosur të mos pranojnë më demokraci fasad dhe zgjedhje me krimin.
BE ka folur me rezoluta, ku zgjedhjet e lira dhe të ndershme janë të pa negociueshme. Janë një kusht i bundestagut Gjerman për të përparuar Shqipëria drejtë BE-së. Po ashtu, PE, ka deklaruar se zgjedhjet janë test për Shqipërinë. Pa zgjedhje të lira dhe të ndershme Shqipëria nuk do të bëjë përpara për integrimin e saj.
Kreu i PD-së, Lulzim Basha ka deklaruar se Edi Rama na ka përjashtuar duke shkelur premtimin e tij para SHBA-ve dhe BE-së për shtatë ligjet që do të bëheshin me konsensus me opozitën.
“Nuk jemi vetëpërjashtuar, na kanë përjashtuar. Na kanë përjashtuar me ndërgjegje, na kanë përjashtuar për të dështuar reformën në drejtësi. Sepse nuk duan reformë në drejtësi që ndëshkon krimin dhe korrupsionin pasi është ky që liron bandat, që liron Lul Berishën, që liroi Hakmarrjen për Drejtësi, që bën pretim se do lirojë Aldo Baren. A ka shqiptarë që beson sot se një kryeministër i zhytur deri në grykë për korrupsion, drogë dhe krim. Ai kërkon gjyqtarë që mund t’i shantazhojë që mund t’i urdhërojë në telefon siç tha vetë ministri i tij i Drejtësisë. Zgjedhjet janë të qarta fake neës i ka shpërndarë Edi Rama”.
