Shoqata Kreo në funksion të misionit të saj për të përmirësuar dhe ndikuar një jetë më të mirë tek komunitetet e margjinalizuara ka zhvilluar gjatë muajve të fundit projektin ‘TalkArtivizm’ të financuar nga Bashkimi Europian dhe zbatuar në kuadër të projektit READ implementuar nga Instituti Goethe dhe partneri shqiptar Instituti i Librit dhe Promocionit..
Përgjatë punës me të rinjtë, organizatorët e këtij aktiviteti kanë kuptuar që sa më e madhe të jetë distanca nga qendra urbane, aq më e ulët është mundësia për të përfituar nga zhvillimi apo politikat ekonomike, sociale dhe zhvillimore. Për këtë arsye, nevoja për përdorimin e mediave që zbusin dallimet mes të rinjve që jetojnë në zonat urbane me ato rurale është e lartë dhe kështu është konluduar si nevojë implementimi i projektit “TalkARTivism.
Në erën dixhitale të sotme, fuqia e podcast-ve si një mjet efikas për shpërndarjen e njohurive nuk mund të nënvlerësohet. Në këtë logjikë, projekti TalkARTivism ka përdorur potencialin e artit të folur, specifikisht podcast-et, për të trajtuar çështje të rëndësishme shoqërore dhe për të promovuar ndërgjegjësim, veçanërisht mes të të rinjve. Këto tema nuk janë të rëndësishme vetëm për kontekstin e Shqipërisë, por përshtaten edhe me Qëllimet e Zhvillimit të Qendrueshëm (SDG2030) të OKB-së, duke theksuar fusha si arsimi cilësor, zhvillimi ekonomik, industria, inovacioni, dhe ndryshimet klimatike.
Me qëllim fuqizimin e të rinjve dhe edukimin e tyre rreth të drejtave të njeriut, ky projekt synoi gjithashtu përfshirjen aktive të të rinjve në çështje të advokimit përmes artit të të folurit.
Projekti ka përfshirë disa aktivitete kyçe:
Startoi me përzgjedhjen e 10 të rinjve aktivistë të cilët kanë qenë pjesë aktive e projektit gjatë të gjithë fazave të implementimit të tij. Te rinjtë janë përzgjedhur bazuar në repsektimin e të barazisë gjinore dhe duke iu referuar motivimit të përfshirjes në angazhime komunitar dhe talenteve të tyre në art. Gjatë muajit të parë është bërë rritja e kapaciteteve të të rinjve nëpërmjet një trajnimi intensiv mbi angazhimin komunitar, të drejtat e njeriut, teknikat e artivizmit.
Më pas projekti vijoi me krijimin e 8 serive të podcaste-ve nga vetë të rinjtë duke përcaktuar tematikat dhe duke identifikuar të ftuarit për secilin podcast. Tematikat e trajtuara janë:
- Liria dhe Ndryshimi Shoqëror
- Identiteti, Emigracioni dhe Migracioni
- Heronjtë dhe Udhëheqësit
- Konflikti dhe Vështirësitë
- Njerëzit dhe Mjedisi
- Inovacioni, Shpikja dhe Progresi
- Kuptimi i Avokatisë dhe Veprimit
- Arsimi dhe çështjet e sotme
Të ftuarit për podcast-et e krijuara kanë qenë ekspertë të fushave, profesionistë, aktivistë të shoqërisë civile dhe përfaqësues nga pushteti lokal si një mënyrë për të ndarë opinionet dhe eksperiencat e tyre me dëgjuesit. Kjo qasje ofron një gamë të gjerë të perspektivave dhe një prezantim dinamik.
Në thelb, ky projekt, me focus në fuqizimin e të rinjve përmes podcast-ve, jo vetëm vuri theksin në i ndërgjegjësimin e tyre ndaj çështjeve shoqërore kritike, por gjithashtu ofroi një platformë përfshirëse për ata që shpesh margjinalizohen.
