Kush ka makina me fuqi motorike mbi 3 mijë kubikë do të taksohet si makinë luksi. Ky është propozimi i hedhur nga nga Ministria e Financave e cila e ka paraqitur dje në Paketën e re Fiskale të prezantuar në Komisionin e Ekonomisë nga ministri Shkëlqim Cani. Por ky diferencim është kundërshtuar nga deputetet në komision.
Ata kanë kërkuar që ndarja të bëhet në bazë të çmimit dhe markës së makinës. Kjo ide e propozuar nga Ministria e Financave është kundërshtuar edhe nga vetë të majtët.
Ervin Bushati deputet i Partisë Socialiste sugjeroi që ndarja e makinave të luksit të rishikohet. “Në asnjë vend të botës nuk maten makinat luksoze në bazë të cilindratit. Ndarja duhet të rishikohet në bazë të çmimit, por edhe teknologjisë. Makinë luksoze mund të quhet edhe ajo që ka një cilindrat prej 2000 kubikësh. Prandaj ka ikur si koncept, teknologjia ka avancuar”. Vetë ministri i Ekonomisë Arben Ahmetaj tha në një emision televiziv se taksat për makinat 3000 kubik do të jetë 500 euro shtesë, pasi këto janë makina luksi, pasi janë makina të fuqishme, harxhojnë. dhe i japin kënaqësi atij që i ka.
