Dy partitë kryesore në vend me shumë gjasa janë drejt zgjidhjes përfundimtare të ngërçit politik që ka mbërthyer vendin.
Kryeministri, Edi Rama dhe Kryetari i Partisë Demokratike, Lulzim Basha pritet të takohen të mërkurën në Presidencë, në një takim të ndërmjetësuar nga Presidenti Nishani.
Lajmi vjen pak orë pas thirrjes së Presidentit Nishani për dialog mes pozitës dhe opozitës për tejkalimin e ngërçit politik ku është futur vendi.
Palët pritet të caktojnë edhe orarin e saktë për takimin në zyrën e kreut të shtetit.
Po nga të njëjtat burime, theksohet se nëse do të ketë një marrëveshje mes Ramës dhe Bashës, paraprakisht palët do të kenë rënë dakord që të bëjnë ndryshime drastike të Kodit Zgjedhor.
