Kreu i Grupit të Partive Popullore Europiane Joseph Daul i ka kërkuar kreut të PD-së, Lulzim Basha të rikthehet te tryeza e dialogut me qeverinë.
Përmes një video-konference në selinë e PD-së, Daul dhe McAllister i kanë thënë Bashës dhe PD-së që duhet të dialogojnë sa më shpejt që të gjejnë zgjidhjen për të hyrë në zgjedhje.
Daul ka thënë se bojkoti i zgjedhjeve është i papranueshëm, po ashtu edhe betejat politike duhet të zhvillohen në Parlament.
Në të njëjtën linjë ishte edhe McAllister, i cili ka thënë që PD duhet të kthehet te marrëveshja e 25 Prillit dhe të pranojë kushtet e saj.
Ndërkohë, Komisioneri Hahn ka thënë se BE do t’i njohë zgjedhjet edhe nëse PD vendos t’i bojkotojë ato. Sipas tij, zgjedhjet pa opozitën janë legjitime.
