I dërguari i posaçëm i Shtëpisë së Bardhë pë bisedimet ndërmjet Kosovës dhe Serbisë, Richard Grenell tha një ditë pas takimit Kosovë – Serbi në Shtëpinë e Bardhë, se nuk ka bisedime pa ndonjë të papritur.
“Mendoj që nuk ka bisedime, që nuk kanë ndonjë të papritur, të cilat janë gjithmonë të mira”, ka thënë Richard Grenell, për “Neësmax”.
“Ato (të papriturat) bëjnë presion që të dy palët që të bëjnë më shumë, që të krijojnë më shumë. Pra, po, kemi shfaqur disa të papritura, por mendoj që asnjëra palë nuk ishte aq e befasuar . Ndonjëherë thonë para mediave se kjo ishte e papritur më e madhe se ç’ishte në të vërtetë. Të dyja palët janë njoftuar dhe mendoj që kemi realizuar përparim dhe shpresoj për zgjidhje”, theksoi Grenell, pas ditës së parë të bisedimeve në Uashington ndërmjet liderëve të Kosovës dhe Serbisë.
Sipas paralajmërimeve, presidenti i SHBA-së, Donald Trump, do të takohet sot me kryeministrin e Kosovës, Avdullah Hotin dhe presidentin e Serbisë, Aleksandar Vuçiç, gjatë ceemonisë të nënshkrimit dhe do të marrë pjesë në takim trelateral.
Pas takimit në Shtëpinë e Bardhë, sç është paralajmëruar, Hoti dhe Vuçiç, veç e veç, do të takohen në Departamentin e Shtetit me sekretarin amerikan të shtetit Mike Pompeo.
