Aktualitet

Tahiri: Procesi im i montuar. Dënimin as e mendoj…


               Publikuar në : 16:31 - 10/09/19 |
geliano fataj

Pas disa orë në Gjykatën e Krimeve të Rënda, ku u dha pretenca e prokurorisë dhe Saimir Tahiri mbrojti veten, ish ministri i Brendshëm në një deklaratë për mediat tha se procesi i tij ka qenë i montuar.

Tahiri theksoi se për dy vite kanë mbizotëruar vetëm gënjeshtra, si një proces i montuar.

“Juve e dëgjuat dhe unë jo pa shkak kam ndenjur ne heshtje për këto dy vjet. Kam dashur të respektojë institucionin dhe të respektojë drejtësinë, jo pa shkak kam dhënë dorëheqjen për tu përballur si qytetar. Kam mbajtur gjithë baltën mbi kurriz, me shpresën se një ditë do dalë e vërteta. Ishin shumë kollaj të verifikiueshme gjithë gënjeshtrat që janë thënë. Akuzohem se jam pjesë e një grupi të strukturuar kriminal, bashkë me disa policë që nuk në atë kohë nuk kanë qenë në punë në Vlorë.  Ky procedim penal që është sot, është nisur nga këta policë që sot janë të akuzuar si unë. Nuk dua të zgjatem më shumë janë gënjeshtra dhe sot provohen që janë gënjeshtra me prova që nuk i kundërshton dit asnjë njeri”, tha Tahiri.

“E vërteta ime është fare e thjeshtë e provuar me letra dhe me fakte që kokëforta sa askush nuk iu del dot përballë. Si t’ja bëj unë që këta policët që akuzohen sot, janë policët që kanë denoncuar që në 2016 Habiljat në këtë prokurori. Si i bie ne anëtarët e grupit kemi denoncuar njëri tjetrin. Ky proces është aq fals”, theksoi më tej Tahiri.

I pyetur për hapat që do të hedh nëse dënohet nga Gjykata e Krimeve të Rënda, Tahiri tha:  Nuk i shkoj fare historisë nëse do dënohem, e ca do bëjë. Këto janë hipoteza që as i marr parasysh. Besoj shumë tek e vërteta ime që e shtjellova sot në gjykatë. Besoj shumë në drejtësi.

 

Pas