Kandidatja për deputete e Partisë Demokratike, Jorida Tabaku ka dhënë një deklaratë për mediat nga selia blu. Kjo është dalja e parë për PD nga publikimi i rezultateve paraprake të zgjedhjeve si dhe nga dalja e rezultateve përfundimtare të njësisë numër 10. Në fjalën e saj ,Tabaku tha se PD ka shënuar rritje në njësinë numër 10 me 30%, ndërsa PS ka shënuar rënie.
“Partia Demokratike është rritur me 1200 vota dhe PS ka rënë me 200 vota. Rezultatet tregojnë këtë trend. Tirana po i prin ndryshimit. Shqipëria po fiton, Tirana po fiton. Njësia numër 10 tregon rezultatin në rënie për Partinë Socialiste. Partia Demokratike është rritur me 30%. Me qetësi të ndjekim procesin e numërimit deri në fund”, tha Tabaku./Opinion.al
