Partia Demokratike ka depozituar në SPAK kallëzim për 50 persona, si grup i strukturuar kriminal. Këtë fakt e ka bërë të ditur nënkryetarja e Partisë Demokratike, Jorida Tabaku.
Sipas saj mes të paditurve është edhe kryeministri Edi Rama.
Pas përfundimit të dërgimit të raportit në Seancën Plenare, nënkryetarja e PD dhe njëkohësisht kryetarja e Komisionit Hetimor të Inceneratorëve, deklaroi në një konferencë për shtyp sot se PD po çon në SPAK një kallëzim Penal për 50 persona në kuadrin e Grupit të Strukturuar Kriminal.
Sipas Tabakut, hetimi i përgjatë 3 muajve dhe të dhënat e marra më herët kanë prodhuar një kallëzim të tillë penal.
Tabaku i bëri thirrje SPAK që tre çështjet për inceneratorët, ai i Tiranës, Elbasanit dhe Fierit të hetohet si një dosje e vetme.
“I kërkoj SPAK që të mos ketë dosje të veçanta për hetimin e këtyre çështjeve. SPAK duhet ti përmbledhë në një dosje këto tre çështje. Të treja duhen hetuar së bashku. Të 50 individët janë po të njëjtët”,-tha ajo.
Ndër të tjera ajo kërkoi që mos të ketë dosje të veçanta për hetimin. Sipas Tabakut kjo çështje duhet të hetohen në një hetim të vetëm.
“Grupi ka funksionuar si një i vetëm, tha ajo. Kompanitë kanë marrë kredi bankare dhe janë pa eksperience. Të hetohen së bashku të 50 individët. Janë po të njëjtët individë që kontrollojnë dhe zbatojnë kontratat”,-u shpreh Tabaku./Opinion.al
