TIRANË- Partia Demokratike vijon akuzat ndaj ministrit të Shëndetësisë, Ilir Beqaj për dhënien e koncesioneve me fitues të paracaktuar. Sipas deputetes, Jorida Tabaku, nga arka e shtetit në dy vite kanë dalë 35 miliardë lekë, por në spitale mungojnë ilaçet dhe mjetet bazike. Tabaku tha se per afro nje vit kompania e ministrit qe operon ne fushen e elektronikës ka marrë plot 28 tendera nga instutcione të ndryshme shteterore, si AKSHI, OSHEE, ISSH, etj.
“Në 8 muajt e parë të vitit 2015 kompania Intech + që themeloi Beqaj, rezulton të ketë kontraktuar e vetme kontrata shtetërore në vlerë 211.273.980 lekë ose gati 4 herë me shume se e gjithë volumi i vitit 2013. Ndërkohë që qytetarët po burgosen për një kupon tatimor për dyqanin ku mezi ushqejnë familjen, kur varfëria ka shkuar në skaj, kur papunësia rritet e rritet cdo ditë, kur njerëzit i luten zotit të mos shkelin në spitale për shkak të shërbimit skandaloz, ministri Intech +, ka siguruar deri më tani 14 tendera në mënyrë të drejtpërdrejtë vetëm për vitin 2015 në vlerën e 795.320.911 Lekëve ose rreth 7 milionë euro. Në 22 muaj janë plot 28 tenderë që kjo kompani ka fituar e shumë prej tyre janë me prokurim të drejtpërdrejtë”.
