Kreu i Partisë Demokratike, Lulzim Basha, vijoi takimet për fushatën zgjedhore të 25 Prillit. Ditën e sotme kryedemokrati u ndal në qytetin e Shkodrës, ku u prit nga dhjetëra qytetarë.
Gjatë fjalës së tij Basha tha se Shkodra dha një sinjal për fitoren e opozitës në zgjedhjet e 25 Prillit teksa theksoi se qytetarët duhet të respektojnë masat anti-Covid.
“Nga Shkodra ka nisur gjithmonë dita e bardhë për Shqipërinë dhe shqiptarët. Sa herë që vij këtu mahnitem me mençurinë e shkodranëve, me bujarinë tuaj për demokraci dhe shqiptari. Pa lënë mënjanë Shkodrën e mendjes, e akademikëve dhe artistëve, ju faleminderit nga zemra për këtë sinjal të fitores për Shqipërinë dhe të gjithë shqiptarët. Ju lus të merrni masat e distancës dhe maskat për pandeminë sepse në 25 Prill do ta shërojmë Shqipërinë nga një virozë 8-vjeçare por duhet të kujdesemi sepse do ta mposhtim fillimisht Covidin e madh dhe më pas 25 Prillit Covidin në të gjithë Shqipërinë”, tha Basha.
Ndërkohë pas fjalëve të Bashës, një qytetar iu drejtuar liderit demokratë duke i thënë: Të marrsha të keqen. Të fala të tërëve, të hangsha zemrën./Opinion.al
