Në pjesën perëndimore të Norvegjisë, në fjordin e bukur Hardanger, restoranti i sapohapur Iris është bërë viral në TikTok.
Vendodhja e restorantit është e pazakontë pasi ajo qëndron në mes të detit të cilën e bën më interesante si restorant, ku koncepti unik i ngrënies bëri që videoja e këtij restoranti të bëhej viral në TikTok, pasi mund të shijoni ushqimin edhe nën ujë.
Falë vendndodhjes së tij të pazakontë në një instalacion arti lundrues dhe konceptit unik të ngrënies, restoranti u bë shpejt viral në internet. Në këtë restorant vetëm 24 persona mund të marrin pjesë në darkën gjashtë-orëshe çdo natë, i cili tashmë është plotësisht i rezervuar deri në tetor, raportojnë mediat e huaja.
Sipas informacioneve në faqen e restorantit, gjithçka fillon me një shëtitje me varkë nga qyteti i afërt i Rosendal, me një ndalesë dhe mirëseardhje nga kuzhinieria Anika Madsen në ishullin Snilstveitøy.
Më pas, të ftuarit mbërrijnë në anijen lundruese të artit të quajtur Syri i Salmonit, ku mbrëmja fillon me një përvojë nënujore. Më pas, mysafirët vazhdojnë në dhomën e ngrënies, ku shërbehet një menu degustimi e kompletuar me një pamje mbresëlënëse të fjordit dhe vargmalit malor aty pranë.
Menuja e plotë e restorantit është ende e panjohur, por ajo që dimë është se gjatë gjashtë orëve dhe përmes 18 kurseve, mysafirët mund të presin shijet e mjedisit ku ndodhen, me theks në produktet vendase dhe të qëndrueshme. Menuja u krijua për të treguar historinë e sfidave dhe kërcënimeve për sistemin global të ushqimit, por edhe për të paraqitur ide të reja për të ardhmen e gastronomisë së lartë.
Për këtë darkë unike, mysafirët do të duhet të paguajnë 3200 NOK, që është afërsisht 399 euro, me opsionin e shtimit të verës për një shtesë prej 2500 NOK (afërsisht 267 euro) ose pije joalkoolike për 1500 NOK (afërsisht 160 euro).
Pas këtij projekti unik qëndron shefja e re daneze, Anika Madsen, e cila u zhvendos në ishullin Snilstvetoj, dhe se Salmon Eye, shtëpia lundruese e restorantit Iris, është instalimi më i madh i artit lundrues në botë dhe financohet nga Eide Fjordbruk, një fermë e qëndrueshme salmonësh. Ky instalim çeliku, i cili është mbi 14 metra i lartë dhe përfshin katër nivele sipër dhe nën ujë, është vepër e studios arkitekturore Kvorning Design./Opinion.al
