Këtë të hënë është prezantuar nga kreu i Federatës Shqiptare të Futbollit, Armand Duka, trajneri i ri i kuqezinjve, Sylvinho Mendes.
Sylvinho tha gjatë prezantimit se dëshira e tij është ta çojë ekipin tonë kombëtar në vendin e duhur.
“Doja t’ju falenderoja që jeni këtu, zotit Reja do i thoja se puna e një trajneri është gjithmonë e vështirë, ka shumë punë mbrapa skenave, disa herë fiton disa herë nuk fiton. Falenderoj atë për punën që ka bërë për këta futbollistë, për zemrën, pasionin. Ne kemi shumë dëshirë që ta çojmë këtë Kombëtare ne vendin e duhur.
Kur takova Presidentin për herë të parë këtë pashë te ai, dhe ai te ne pa urinë për të bërë mirë, për t’i dhënë këtij projekti vazhdimësinë. Shpesh herë kur gjendem në shtëpi dëgjoj njerëzit që flasin për zgjedhjet që një trajner bën, nëse duhet të qëndrojë apo të largohet, Federata Shqiptare më bindi. Më bindi që të merrja përsipër këtë punë dhe jemi të kënaqur, besoj se do bëjmë një punë të mirë”-tha Sylvinho.
