Kryeministri i Kosovës, Albin Kurti, ka thënë gjatë mbledhjes së qeverisë së Kosovës se sulmi terrorist ndaj policisë në veri ka cënuar sovranitetin shtetëror, integritetin territorial dhe sigurinë kombëtare.
Ai kërkoi nga bashkësia ndërkombëtare që të dënojë Serbinë si dhe vigjilencë më të madhe të kontrollit të kufirit me Serbinë.
Gjatë fjalës së tij, Kurti shtoi se dëshmia për pjesëmarrjen e në kryetarit të Listës Serbe, Milan Radoiçiç në këtë sulm terrorist paraqet nevojën për plularizëm politik të serbëve në Kosovë.
“Kufiri me Serbinë, më shumë sesa vija e gjatë kufitare dhe terreni malor, veçanërisht në pjesën veriore, të rrezikshëm dhe të vështirë e bëjnë sjellja e Beogradit zyrtyar. Nëkohësisht, pas dokumentimit të pjesëmarrjes në këtë sulm terrorist të nënkryetarit të Listës Serbe, Milan Radoiçiç, është vërtetuar edhe një gjë që meriton vëmendjen e të gjithëve, rëndësia jetike e ringjalljes së pluralzimit politik të serbëve në Kosovë” ,tha Kurti.
Ndërkohë, tha se pas këtij sulmi terrorist është dëshmuar edhe profesionalizmi i policisë dhe institucioneve të sigurisë në Kosovë.
