Aktualitet

Sulmi në uzinën e Gramshit, media britanike: Vladimir Putin u poshtërua sërish



Bëhu pjesë e Grupit Zyrtar të Opinion.al
>> KËTU <<
               Publikuar në : 21:03 - 21/08/22 |
Opi Nion

Ngjarja e ndodhur mbrëmjen e djeshme në uzinën e armëve në Gramsh, ka marrë vëmendjen edhe të mediave të huaja.

Media britanike Express.co.uk i ka kushtuar një artikull ngjarjes me titull: Putin poshtërohet pasi spiunët rusë kapen në flagrancë duke hyrë në uzinën e armëve në Shqipëri.

“Vladimir Putin ka pësuar poshtërim të mëtejshëm pasi tre spiunë rusë u kapën në flagrancë duke u përpjekur të hynin në një fabrikë armësh shqiptare. Ngjarja ka ndodhur të shtunën në qytetin e Gramshit, ku ndodhet një bazë ushtarake me një fabrikë armësh. Fabrika e Gramshit përdoret për të çmontuar armët e vjetra, sipas Ministrisë së Mbrojtjes së Shqipërisë. Dy rusë dhe një ukrainas u kapën nga personeli i sigurisë teksa po tentonin të hynin në ambiente. Një nga të dyshuarit meshkuj dyshohet se sulmoi rojet me një sprej paralizues, ndërsa përpiqej të bënte fotografi. Dy nga efektivët e sigurisë u plagosën nga sulmi dhe u dërguan në spital, ku gjendja e tyre cilësohet si e qëndrueshme”thuhet në artikull.

Më poshtë, shkrimi i referohet edhe reagimit të Kryeministrit Edi Rama si dhe identifikimit të dy shtetasve rusë.

“Kryeministri i Shqipërisë, Edi Rama, tha se tre personat ishin “të dyshuar për spiunazh”. Ai vlerësoi rojet e fabrikës për veprimet e tyre, duke postuar në Twitter: Çfarë krenarie për rojet ushtarake që neutralizuan tre individë të dyshuar për spiunazh. Tani të presim zbardhjen e plotë të kësaj ngjarjeje. Një kanal lajmesh në Shqipëri ka mundur të identifikojë dy nga spiunët rusë. Gruaja ishte 33-vjeçarja Svetlana Timofeeva, ndërsa një nga burrat ishte njëzet e tre vjeçari Mikhail Zorin – të dy janë rusë. Zonja Timofeeva dihet se udhëton nëpër botë dhe bën fotografi të “objekteve të çuditshme”, siç janë avionët e vjetër”-vijon shkrimi.

Pavarësisht se tre të arrestuarit, të dyshuar për spiunazh i mohojnë akuzat, hetimet vazhdojnë nën dyshimet mbi pretendimet se janë blogerë që fotografojnë ambiente ushtarake, thuhet më tej në artkull.

 

Pas