Presidenti i Republikës, Ilir Meta ka reaguar pas sulmeve të Rusisë ndaj Ukrainës. Në një postim në rrjetin social “Facebook”, Meta shkruan se Shqipëria dënon sulmin e Rusisë ndaj Ukrainës, i cili kërcënon jetët e civilëve të pafajshëm.
Ndër të tjera presidenti i bën thirrje Rusisë të tërhiqet nga veprimet ushtarake kundër integritetit dhe sovranitetit të Ukrainës.
“Shqipëria dënon sulmin e pajustifikueshëm të Rusisë ndaj Ukrainës, duke shkelur ligjin ndërkombëtar dhe duke kërcënuar jetën e civilëve të pafajshëm.
I bëjmë thirrje Rusisë të tërhiqet nga veprimet ushtarake kundër integritetit territorial dhe sovranitetit të Ukrainës!
Shqipëria qëndron me Ukrainën dhe popullin e saj në këtë orë të errët!”,-shkruan Meta./Opinion.al
