Kryesore

Sulmi kibernetik në faqet qeveritare/Meta: Situata e rëndë, të merren masa për…



Bëhu pjesë e Grupit Zyrtar të Opinion.al
>> KËTU <<
               Publikuar në : 14:32 - 18/07/22 |
Opi Nion

Presidenti Ilir Meta ka reaguar në lidhje me sulmin kibernetik në faqet qeveritare të vendit tonë.

Në një postim në rrejtin social “Facebook”, Meta shprehet se situata e krijuar është tepër e rëndë si pasojë e bllokimit të shërbimeve duke krijuar vështirë për qytetarët bizneset dhe shumë veprimtari të lidhura me këtë sistem.

Ndër të tjera, ai ka kërkuar që të merren masa për vënien nën kontroll situatës dhe për të siguruar që ngjarje të tilla të mos përsëriten më.

E vlerësoj tepër të rëndë situatën e krijuar si pasojë e bllokimit të shërbimeve publike online, që ka krijuar vështirësi të jashtëzakonshme për qytetarët, bizneset dhe për shumë veprimtari të tjera të lidhura me këtë sistem.

Në mënyrë të përsëritur edhe në mbledhjet e Këshillit të Sigurisë Kombëtare përpara agresionit kundër Ukrainës, kam kërkuar marrjen e të gjitha masave për rritjen e sigurisë kibernetike, për të parandaluar ngjarje të tilla.

Kjo situatë, në kontekstin edhe të zhvillimeve të brendshme dhe ndërkombëtare, e rëndon akoma më shumë dhe e kompromenton funksionimin e shtetit, në të gjitha hallkat, ku veçanërisht qytetarët janë ata që i vuajnë pasojat më së shumti.

Apeloj marrjen e masave të menjëhershme, serioze dhe të përgjegjshme, duke mobilizuar ekspertizën e nivelit më të lartë profesional për zgjidhjen sa më të shpejtë dhe vënien nën kontroll të situatës, për të siguruar që ngjarje të tilla të mos përsëriten më në të ardhmen”,-shkruan Meta në reagimin e tij./Opinion.al

Pas