Bota

Sulmet në centralin Zaporizhia/Zelensky: Europa shmangu katastrofën bërthamore



Bëhu pjesë e Grupit Zyrtar të Opinion.al
>> KËTU <<
               Publikuar në : 13:22 - 26/08/22 |
Opi Nion

Evropa u përball me mundësinë e një katastrofe bërthamore të enjten kur centrali i Zaporizhzhia i pushtuar nga Rusia u shkëput nga rrjeti energjetik i Ukrainës. Kështu është shprehur presidenti i ukrainës Volodomyr Zelensky.

Ai shtoi se vetëm për shkak të furnizimit me energji elektrike rezervë, centrali i Zaporizhzhia ishte në gjendje të funksiononte në mënyrë të sigurt.

Luftimet pranë kompleksit më të madh në Europë, kanë rritur shqetësimet.

“Nëse gjeneratorët me naftë nuk do të ishin ndezur, nëse automatizimi dhe stafi ynë i uzinës nuk do të kishin reaguar pas ndërprerjes së energjisë, atëherë Europa do të përballej me pasojat e një rrjedhje radioaktive”, tha Zelensky.

Dëmi u shkaktua nga zjarret për të cilat agjencia shtetërore bërthamore e Ukrainës tha se kishin ndërhyrë në linjat e energjisë që lidhnin centralin të enjten, duke shkëputur përkohësisht Zaporizhzhia nga rrjeti kombëtar i energjisë për herë të parë në historinë e saj.

“Si rezultat, dy njësitë e fuqisë funksionale të stacionit u shkëputën nga rrjeti,” thanë zyrtarët e Kievit.

Kompania shtetërore bërthamore tha se puna ishte duke u zhvilluar të premten në përpjekje për të rilidhur reaktorët në rrjet. Katër reaktorët e tjerë të Zaporizhzhia kanë qenë jashtë veprimit për pjesën më të madhe të luftës./Opinion.al

Pas