Bota

Sulm me raketa në një bllok apartamentesh në Ukrainë, 14 të vdekur



Bëhu pjesë e Grupit Zyrtar të Opinion.al
>> KËTU <<
               Publikuar në : 09:40 - 15/01/23 |
Opi Nion

Rusia nisi valë të reja sulmesh me raketa anembanë Ukrainës të shtunën, duke vrarë të paktën 14 persona në një sulm në një bllok apartamentesh në qytetin lindor të Dnipro.

Një numër qytetesh të tjera, duke përfshirë Kievin, Kharkivin dhe Odesën, u goditën gjithashtu.

Pjesa më e madhe e Ukrainës ndodhet tani nën një ndërprerjet energjisë pasi raketat goditën infrastrukturën e energjisë në disa qytete.

Më herët, Britania e Madhe tha se do të dërgonte tanke Challenger 2 në Ukrainë për të ndihmuar mbrojtjen e vendit.

Kryeministri i Mbretërisë së Bashkuar Rishi Sunak tha se Challengers, tanku kryesor i betejës i ushtrisë britanike, do të ndihmonte forcat e Kievit “të shtyjnë trupat ruse prapa”.

Rusia u përgjigj duke thënë se ofrimi i më shumë armëve për Ukrainën do të çonte në intensifikimin e operacioneve ruse dhe më shumë viktima civile.

Presidenti ukrainas Volodymyr Zelensky të shtunën vonë tha se sulmet ruse ndaj objektivave civilë mund të ndaleshin vetëm nëse partnerët perëndimorë të Ukrainës furnizonin Kievin me armët e nevojshme.

“Çfarë nevojitet për këtë? Ato armë që janë në depot e partnerëve tanë dhe që ushtarët tanë po i presin kaq shumë,” tha ai në fjalimin e tij video gjatë natës, duke shtuar se forcat e tij rrëzuan më shumë se 20 nga 30 raketa ruse./Opinion.al

 

Pas