Sociale

La mësuesinë për t’u bërë shofere autobusi, 33-vjeçarja shqiptare: Më jep adrenalinë



Bëhu pjesë e Grupit Zyrtar të Opinion.al
>> KËTU <<
               Publikuar në : 10:39 - 15/01/23 |
Opi Nion

Eranda Dishani,  një vajzë e re nga Vlora e diplomuar për mësuesi, ka zgjedhur të ndjekë pasionin e saj.

Pavarësisht studimeve dhe diplomës Dishani ka zgjedhur të punojë si shofere autobusi në një agjenci udhëtimesh.

Shumë shpejt ajo zbuloi se pasioni i saj është në rrugë e jo në klasë, ndaj nisi eksperiencën e saj ne drejtimin e mjetit në linjat ndërkombëtare, duke arritur të thyejë kështu edhe tabutë.

Prej më shumë se një muaji, 33-vjeçarja ajo drejton autobusin me pasagjerë në linjën ndërkombëtare Shqipëri-Itali.

Teksa zbarkon me autobus nga trageti në Portin e Vlorës nga një udhëtim i gjatë prej 1300 kilometrash, Dishani rrëfen për Report Tv nëse është e lodhshme puna që kryen.

Jeni e vetmja vajzë që bëni linja të gjata, a është e lodhshme?

“Fare! Më mirë të rri në timon se në sendilje. Ndihem krenare për punën time Makinën e vogël ka vite që e ngas, ndërsa më pas mora patentën për kamion dhe autobus. E ndjej veten të zonjën në këtë punë”, thotë ajo.

Impresionet e udhëtimit me Erandën na i rrëfejnë dhe pasagjerët.

“Shumë e vëmendshme, e pashë me sy kritik dhe s’bëri asnjë gabim gjatë gjithë rrugës”, tha një pasagjer.

Por sa e ka ndjerë ajo paragjykimin, kur dihet se në drejtim të autobusëve zakonisht janë burrat.

Si e kanë pritur prindërit tuaj?

“Ata janë krenarë, por nuk duan ta ushtroj këtë profesion, se kanë merak, ngaqë është rrugë e gjatë.

A ndiheni e paragjykuar?

“ Jo më pritën shumë mirë!

Eranda Dishani na tregon se është diplomuar për mësuesi, por më vonë zbuloi pasionin e saj për të drejtuar autobusë e kamionë. Ajo është ndër të rrallat vajza që transporton pasagjerë në linjat ndërkombëtare.

A ka gra të tjera në linjat ndërkombëtare?

“Jo s’ka jam e vetmja dhe jam krenare që bëj këtë punë. Puna nuk është turp! Unë kam mbaruar ciklin e ulët dhe vetëm 5 muaj punova mësuese e më pas thashë s’jam për këtë punë. Puna më e mirë për mua është kjo. Më jep adrenalinë”, tha Dishani.

33-vjeçarja nga Vlora është e dashuruar me punën e saj dhe nuk i trembet rrugëve të gjatë, udhëton tre herë në javë drejt Milanos./Opinion.al

 

 

 

Pas