Reshjet e dendura të shiut që ranë gjatë natës në veri të vendit kanë shkaktuar jo pak probleme. Një ndër to ka qenë bllokimi i plotë i nënkalimit në Fushë-Mamurras në superstradën Thumanë-Milot.
Zgavrat e shkarkimit nuk kanë funksionuar dhe për pasojë uji ka bllokuar nënkalimin. Gjatë natës lëvizja e mjeteve ka qenë e pamundur, por edhe pasi reshjet kanë pushuar qarkullimi ka nisur me vështirësi.
Ndërkohë, probleme ka patur edhe në Shëngjin, Tale e Zadrimë. Dëmet të shumta janë shkaktuar edhe në kulturat bujqësore por edhe në thyerjen e pemëve për shkak të erës së fortë.
Në rrugën Nr.5 në Velipojë si rezultat i erës së fortë janë rrëzuar disa pemë, që kanë zënë poshtë edhe disa automjete.
Dëme janë shkaktuar edhe në Malësinë e Madhe sidomos në rrugën për në fshatin Turistik Razëm ku gjithashtu ka pasur rrëzime te pemëve.
Erërat e forta kanë shkaktuar dëme edhe në linjat e tensionit te mesëm në Shkodër e Lezhë./ Opinion.al
