-Shëndeti

Studimi: Virusi u përhap nëpër botë, shumë shpejt pasi u shfaq në Kinë


               Publikuar në : 17:09 - 10/05/20 |
el ida

Një studim gjenetik i mostrave nga më shumë se 7.500 njerëz të infektuar sugjeron që virusi u përhap shumë shpejt në të gjithë botën, pasi ai u shfaq në Kinë diku midis tetorit dhe dhjetorit të vitit të kaluar.

Shkencëtarët e Institutit të Gjenetikës në Kolegjin Universitar në Londër kanë thënë se gjetën pothuajse 200 mutacione gjenetike të përsëritura të SARS-CoV-2, të cilat treguan se si virusi po përshtatej në trupin e njeriut ndërkohë që përhapej.

“Vlerësimet filogjenetike mbështesin tezën që pandemia Covid-2 filloi diku rreth 6 tetorit 2019 deri më 11 dhjetor 2019, që korrespondon me kohën e kalimit të tij tek njerëzit.”, shkroi ekipi i studimit i udhëhequr nga Francois Balloux, në një studim të botuar në revistën Infection, Genetics and Evolution.

“The Guardian” shkruan se Balloux theksoi se analiza ka zbuluar  gjithashtu se virusi ishte dhe është duke ndryshuar, siç ndodh zakonisht me viruset, dhe se një pjesë e madhe e diversitetit gjenetik global të virusit që shkakton Covid-19 u gjet në të gjitha vendet më të goditura.

Kjo sugjeron që SARS-CoV-2 po transmetohej gjerësisht në të gjithë botën që nga fillimi i epidemisë, tha ai./Opinion.al

Pas