Një studim i fundit ka zbuluar se majmunët që ulërasin më shumë janë ata që kanë testikuj më të vegjël.
Studimi i publikuar në revistën “Current Biology” thotë se majmunët që demonstrojnë rënkime të thella, e bëjnë këtë për të tërhequr vëmendjen e femrave, ose trembur rivalët e tyre në dashuri.
Këta mendohet të kenë gjithashtu edhe mungesë sperme në krahasim me moshatarët e tyre.
Antropologu Jacob Dunn dhe skudra e tij nga Universiteti Kembrixh donin të shihnin nëse ekzistonte ndonjë lidhje midis madhësisë së paratit vokal të majmunëve dhe madhësisë së testikujve të tyre.
Skuadra përdori skanera me lazer 3D për të analizuar një dhomëz në formë kupe në fytin e majmunëve, që shërben si dhoma e ekos zanore.
“Rezultatet e analizave tona akustike tregojnë se si majmunët “ulëritës” prodhojnë tinguj me një frekuencë të ngjashme si ajo e tigrave, që është shumë më e ulët nga sa ne mund të kishim parashikuar duke parë madhësinë e trupit të tyre, apo matur kordat e tyre vokale, që janë tre herë më të mëdha se sa qëniet njerëzore”-tha antropologu.
Kërkuesit spekulojnë se kjo vjen ngaqë këta mjmunë duan të japin përshtypjen se se ata janë më të mëdhenj se sa janë realisht.
“Me shumë mundësi, përdorimi i një organi të madh vokal për të ulëritur, mund të jetë efektiv për trembur meshkujt rivalë, pa patur nevojë për ta dëshmuar “burrërinë” me testikuj të mëdhënj”-tha doctor Dunn.
