Vrojtimi më poshtë tregon se sa shumë partnerët janë injorantë në lidhje me realitetin e jetës së bashkëshortëve të tyre.
Në botën perëndimore gratë në masë të madhe janë të punësuara në pozicione administrimi, ndërkohë që punët menaxheriale dhe pozicionet e larta drejtuese mbahen nga burrat.
Siç do të kuptohet qartë edhe më poshtë, ky boshllëk gjinor në punë është kryesisht për shkak të “dënimit nga amësia”, pra karrierat e grave ndikohen nga fëmijët që atoj sjellin në jetë.
The Economist dhe YouGov, disa muaj më parë në një sondazh, i pyeti njerëzit në tetë vende të Europës Perëndimore se si e baraspeshojnë karrierën dhe familjen.
Në këtë sondazh dolën disa të dhëna interesante, burrat mendonin se në familjet e tyre shumica e detyrimeve sa i përket përkujdesjes së fëmijëve dhe asaj shtëpiake ju takon grave. Megjithëse mendonin ashtu, ata shpreheshin se detyrimet familjare në fund i kishin ndarë në mënyrë të barabartë.
Në sondazh po ashtu u bënë pyetje se cili nga prindërit është shkëputur nga puna për periudhë më të gjatë ose për shkëputje me kohë të pjesshme, kur ka ardhur në jetë fëmija i tyre i parë.
Në këto përgjigje u shfaq një hendek i madh mes burrave dhe grave. Secili nga partnerët u përgjigj pozitivisht për veten e tij duke thënë se vetë ata kanë bërë sakrificat më të mëdha në punët e tyre, kur fëmija ka ardhur në jetë. Pra ja kanë atribuuar vetes së tyre kujdesin.
Perceptimet në Francë: 55% e grave thanë se ato dhe vetëm ato ishin ngadalësuar në punë dhe kishin marrë shkëputjet më të mëdha për tu kujdesur për fëmijët e tyre të sapolindura. Sipas tyre ato ishin kujdesur për fëmijët dhe u kishin dhënë kohë sa dyfishi u burrave të tyre.
Në Danimarkë burrat ja atribuonin kujdesin e fëmijëve të sapolindur bashkëshorteve të tyre. Ata e pranonin se bashkëshortet e tyre kishin marrë shkëputje nga puna për tu kujdesur për fëmijët.
Megjithëse ende është e paqartë nëse burrat apo gratë janë më të sakta në punë, shumë njerëz padyshim janë nuk dinë në lidhje me realitetin e jetës dhe punës së partnerëve të tyre.
Si përfundim një gjë është e vërtetë: Nëse burrat do të jenë të hapur për të dhënë më shumë kontribut në shtëpi, gratë e tyre mund të bëjnë më shumë në karrierë në anën profesionale./G.Z- përshtatur për opinion.al
