Spanja vijon me lehtësimin e masave kundër pandemisë së koronavirusit. Qeveria po përpiqet për të rikthyer në punë ekonominë dhe vecanërisht turizmin, si një ndër degët kryesore të saj.
Kështu, vendi iberik vendosi që udhëtarët e huaj, që futën në Spanjë, duke filluar nga 1 korriku, nuk do të jenë më të të detyruar t’i nënshtrohen një karantine 14-ditore.
Kjo masë ishte paralajmëruar më herët nga ministrja e Jashtme, Arancha Gonzalez Laya, por pa dhënë detaje për datën.
Spanja tërheq çdo vit rreth 80 milionë turistë, me sektorin turistik që mundëson më shumë se 12% të Prodhimit të Brendshëm Bruto. Ndaj kjo masë përpara se sezoni veror të përfundojë është parë si një çështje kyçe për ekonominë e vendit./Opinion.al
